რა რეზონანსი გამოიწვია საზოგადოებაში ივანიშვილზე დაგეგმილი ტერორისტული აქტის შესახებ თეორიამ, რომელიც მმართველმა ძალამ და სუსმა წარმოადგინეს. ქართული ოცნების ლიდერების განცხადებებს ეტყობა, რომ ამ საკითხისადმი ხალხის განწყობით უკმაყოფილო დარჩნენ. ოცნება აუდიტორიას ეუბნება, რომ სუსის ვერსია არ იმსახურებს ქილიკსა და დაცინვას. პარალელურად არ წყდება გამოკითხვაზე დაბარების სერია - სამიზნე კვლავ უკრაინაში მებრძოლი ქართველები არიან. სუსის გამოძიება ერთი მხრივ მებრძოლების წინააღმდეგაა მიმართული, მეორე მხრივ კი წინასაარჩევნო ტრადიციული მეთოდია, რომელიც საზოგადოებას ივანიშვილის რეჟიმის შესრულებით არაერთხელ უნახავს.
დახურვა