მორჩილი ურჩის ნაცვლად

ნინო ბაქაქურის შემცვლელი მოსამართლე ჩინჩალაძის გუნდიდან მოიძებნა. ორ საერთაშორისო ორგანიზაციას კანდიდატად მოსამართლე ქეთევან ცინცაძე წარედგინა. იუსტიციის უმაღლესი საბჭოს  ყოფილი არამოსამართლე წევრები მიიჩნევენ, რომ იუსტიციის სამინისტროს მიერ საკონსულტაციო საბჭოს წევრის შესარჩევად კონკრეტული მოსამართლის წარდგენა მნიშვნელოვან საფრთხეებს ქმნის იმ მოსამართლეებისთვის, რომლებიც ბოლო დროს კრიტიკულ განცხადებებს აკეთებენ და ე.წ კლანს ემიჯნებიან. ასეთი იყო მოსამართლე  ბაქაქურის შემთხვევაც, რომელსაც "ქართულმა ოცნებამ" მათთვის შეუფერებელი კომენტარები არ აპატია, რაც საბოლოოდ მისი ჩანაცვლებით დასრულდა.