მსოფლიო მხარდაჭერა უკრაინას

რუსეთის იერიშებს უკრაინაში ბოლო 24 საათის განმავლობაში 11 მშვიდობიანი მოქალაქე ემსხვერპლა, ამ დრომდე გრძელდება დაბომბვების შედეგად დაზიანებული ინფრასტრუქტურის შეკეთება. ელექტროენერგია უკვე მომხმარებლის 70 პროცენტზე მეტს მიეწოდება. კრიტიკული ინფრასტრუქტურის აღდგენასა და მძიმე ზამთრის გადატანაში უკრაინელ ერს დახმარებას საერთაშორისო გაერთიანებაც ჰპირდება. კონკრეტულ გეგმას NATO-ს წევრი ქვეყნები მომავალ კვირას, ბუქარესტის მინისტერიალზე დაამტკიცებენ.