უკვე მეხუთე დღეა ოკუპირებულ აფხაზეთში ტყის ძლიერი ხანძარია. ცეცხლი ტყის მასივს სოფელ ფსხუ-ს მახლობლად კვირას გაუჩნდა. ხანძარი მაღალმთიანი ადგილებში გავრცელდა, ცეცხლის ჩაქრობა კი მხოლოდ სპეციალური თვითმფრინავების დახმარებით არის შესაძლებელი. ოკუპირებული აფხაზეთის ე.წ. საგანგებო სიტუაციების სამინისტრომ დახმარების მოთხოვნით რუსეთს 4 დღის წინ მიმართა, თუმცა პასუხი მოთხოვნაზე ამ დრომდე არ მიუღია. 11 ნოემბრის მონაცემებით დამწვარია 200-ს ჰექტატრამდე ტყის მასივი. ოკუპირებულ სოხუმში სტიქიის შესახებ ახალი ინფორმაცია არ აქვთ.
დახურვა