ოპოზიციონერი პოლიტიკოსის ალექსეი ნავალნის მხარდამჭერ აქციებზე რუსეთის მასშტაბით 2 250 ადამიანი დააკავეს, - ამის შესახებ ინფორმაციას ორგანიზაცია OVD-info-ი აქვეყნებს.
OVD-info-ს ცნობით, დაკავებები ქვეყნის მასშტაბით 70-მდე ქალაქში განხორციელდა. კერძოდ, 855 ადამიანი მოსკოვში დააკავეს, ხოლო 327 სანქტ-პეტერბურგში.
Reuters-ს ცნობით, ქვეყნის მასშტაბით საპროტესტო აქციაში 40 ათასამდე მოქალაქე მონაწილეობდა, თუმცა ხელისუფლება ამბობს, რომ აქციაზე მხოლოდ 4 ათასი ადამიანი გავიდა.
აღსანიშნავია, რომ დაკავებულებს შორის იყო პოლიტიკოსის, ცოლი იულია ნავალნაიაც, თუმცა ის რამდენიმე საათში გაათავისუფლეს.
Reuters ამბობს, რომ სოციალურ მედიაში დაშავებული მომიტინგეების ფოტოებიც ვრცელდებოდა.
დახურვა