![cppgab2zm4kslxm.jpg](/uploads_script3/news/cppgab2zm4kslxm.jpg)
საბერძნეთის კუნძულ სამოსზე თავშესაფრის მაძიებელთა ბანაკიდან მიგრანტთა ევაკუაცია განხორციელდა. მიზეზი ძლიერი ხანძარი გახდა.
ცეცხლის გაჩენის მიზეზი უცნობია, თუმცა მას წინ ავღანელ და სირიელ მიგრანტებს შორის დაპირისპირება უძღოდა, რის შედეგადაც საავადმყოფოში სამი ადამიანი გადაიყვანეს.
თავად ხანძრის დროს არავინ დაშავებულა. მიგრანტთა თავშესაფარში, მიუხედავად იმისა, რომ დაწესებულება რამდენიმე ასეულ მცხოვრებზე იყო გათვლილი, ოთხი ათასზე მეტი ადამიანი ცხოვრობდა.
სამაშველო ჯგუფები ხანძარს რამდენიმე საათის განმავლობაში აქრობდნენ.