სამნიძესა და ბერძენიშვილზე თავდამსხმელს პატიმრობა შეეფარდა

პოლიტიკოსებზე თავდასხმისთვის დაკავებული დღეს სასამართლო დარბაზში ქართული ოცნების წევრების სიტყვებით საუბრობდა. რესპუბლიკური პარტიის წევრებზე, დავით ბერძენიშვილსა და ხათუნა სამნიძეზე თავდამსხმელ ირაკლი ხომასურიძეს პატიმრობა შეუფარდეს. დაკავებულმა სხდომაზე თქვა, რომ ბერძენიშვილი, ოპოზიცია და ჟურნალისტები "ქვეყნის მტრები" არიან. ბრალდებულმა აღიარა ისიც, რომ ლევან ბერძენიშვილის ქუჩაში დანახვის შემთხვევაში "პანღურს უთავაზებდა".