სამხედრო-პოლიტიკური დახმარება უკრაინას და ზეწოლა კრემლზე

საერთაშორისო ძალისხმევა ვლადიმერ პუტინის დასამარცხებლად გადამწყვეტ ფაზაში შედის. ლიეტუვის სეიმმა რუსეთი ტერორიზმის მხარდამჭერ სახელმწიფოდ აღიარა, შეერთებულ შტატებში კი ჯო ბაიდენმა ლენდლიზის ისტორიულ პროგრამას მოაწერა ხელი. კიევს შეიარღებას გადასცემს ნიდერლანდები და გერმანიაც, რომელიც უკრაინელ სამხედროებსაც გაწვრთნის. ორი ქვეყნის საგარეო უწყების ხელმძღვანელები დღეს უკრაინაში მოულოდნელი ვიზიტით ჩავიდნენ.