გვიან ღამით თბილისის საუნივერსიტეტო კლინიკაში საეჭვო სიმპტომებით 5 სამხედრო შეიყვანეს. ისინი ამ დრომდე დაკვირვების ქვეშ იმყოფებიან. კლინიკის დირექტორის, ლევან რატიანის განცხადებით, სამხედროებს გრიპის სიმპტომები აღენიშნებოდათ, თუმცა მათი მდგომარეობა ამ ეტაპზე სტაბილურია.
მედიკოსები მათ ანალიზებს ლუგარის ლაბორატორიაში კოვიდ-19-ზე შესამოწმებლად დღეს გადააგზავნიან.
"რამდენიმე საათის წინ კლინიკაში შემოვიდა 5 სამხედრო პაციენტი, რომლებსაც გრიპი და გრიპის მსგავსი სიმპტომატიკა აღენიშნებოდა. ამ ეტაპზე მათ უტარდებათ ყველა კლინიკური, ლაბორატორიული კვლევა. ასევე უტარდებათ კვლევა კორონავისურზე", - განაცხადა რატიანმა.
დახურვა