სერჰი ჰაიდაის თქმით, რუსებმა აღმოსავლეთ უკრაინაში მდებარე ქალაქი კრემინა დაიკავეს

ლუგანსკის რეგიონული სამხედრო ადმინისტრაციის უფროსის, სერჰი ჰაიდაის თქმით, რუსმა "ორკებმა" აღმოსავლეთ უკრაინაში მდებარე ქალაქი კრემინა დაიკავეს. 

"ქალაქი ორკების კონტროლქვეშაა. ისინი ქალაქში შევიდნენ". - აცხადებს ჰაიდაი. 

მისივე განცხადებით, მშვიდობიანი მოქალაქეების ევაკუაცია გრძელდება რუსეთის მიერ თავდაცვითი ხაზების "ყველა მიმართულებიდან მასობრივი, ინტენსიური დაბომბვების პარალელურად". 

ჰაიდაის განცხადებით, ქალაქში 350 000-მდე ადამიანი ცხოვრობდა, ახლა კი დაახლოებით 70 ათასი დარჩა. 

"ისინი თავისით ან მოხალისეების თუ რელიგიური ორგანიზაციების დახმარებით წავიდნენ. მოსახლეობა დასავლეთ უკრაინაში გადადის". -- ამბობს ჰაიდაი. 

მისივე განცხადებით, რუსეთის თავდასხმებმა თითქმის სრულად გაანადგურა კრიტიკული ინფრასტრუქტურა. 

"შეუძლებელი იყო წყლის და ელექტროენერგიის მარაგების აღდგენა. ყველაფერი სრულად განადგურებულია". - ამბობს ჰაიდაი.