სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ქრთამის აღების ფაქტზე, სსიპ "ეროვნული სატყეო სააგენტოს" გურიის სატყეო სამსახურის ოზურგეთის სატყეო უბნის უფროსი დააკავეს.
როგორც სუს-ის განცხადებაშია აღნიშნული, გამოძიებით დგინდება, რომ 102 კუბური მეტრი ხე-ტყის მასალის წარმოშობის დამადასტურებელი დოკუმენტების გადაცემის სანაცვლოდ, სსიპ "ეროვნული სატყეო სააგენტოს" გურიის სატყეო სამსახურის ოზურგეთის სატყეო უბნის უფროსმა მოქალაქეს ქრთამის სახით 2 000 ლარი გამოართვა, რა დროსაც იგი ბრალდებულის სახით დააკავეს.
ქრთამის აღების ფაქტზე გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.
დახურვა