საერთაშორისო გამჭვირვალობა - საქართველოს ცნობით, თელავის რაიონული სასამართლოს მოსამართლე და თავჯდომარე, მარინე ცერცვაძე 2023-ის წლის დეკლარაციაში უძრავ ქონებასა და ხელფასს არ უთითებს. ცერცვაზე 2019 წლიდან უვადო მოსამართლეა.
TI-ის ინფორმაციით, ცერცვაძემ არ დაადეკლარირა მის საკუთრებაში არსებული ოთხი უძრავი ქონება, კერძოდ:
- 60 კვ.მ ბინა ბათუმში, ყაზბეგის ქუჩაზე;
- 71.7 კვ.მ ბინა თელავში, მშვიდობის ქუჩაზე;
- 105 კვ.მ მიწის ნაკვეთი თელავში, მშვიდობის ქუჩაზე;
- 44 კვ.მ მიწის ნაკვეთი თელავში, მშვიდობის ქუჩაზე, მასზე არსებული შენობა-ნაგებობებით.
გარდა ამისა, ცერცვაძემ ქონებები არც 2022 წლის დეკლარაციაში ასახა. ასევე, 2023 წლის დეკლარაციაში არ მიუთითა თანამდებობაზე მის მიერ 2022 წლის განმავლობაში მიღებული შრომის ანაზღაურება.
"საერთაშორისო გამჭვირვალობა - საქართველო მიმართავს ანტიკორუფციულ ბიუროს შეისწავლოს მარინე ცერცვაძის დეკლარაციაში გამოვლენილი დარღვევა და მოახდინოს შესაბამისი რეაგირება. ევროკომისიის რეკომენდაციის თანახმად, მოსამართლე მარინე ცერცვაძე, როგორც თელავის რაიონული სასამართლოს თავმჯდომარე, კეთილსინდისიერების შემოწმების მექანიზმს უნდა დაექვემდებაროს", - წერს ორგანიზაცია.
დახურვა