უკრაინაში დაღუპულ ქართველ მებრძოლს ოჯახი და თანამებრძოლები ემშვიდობებიან. ბერდია ჯოხაძე საქართველოში დღეს ჩამოასვენეს. სამოქალაქო პანაშვიდი ქაშვეთში მიმდინარეობდა. მეომარს კვირას დაკრძალავენ. ჯოხაძე მეთექვსმეტე ქართველია, რომელიც უკრაინაში ოკუპანტებთან ბრძოლას ემსხვერპლა. ის ხერსონის ოლქში ქიმიური იარაღით მოწამლეს. მეომრის თანამებრძოლები ამბობენ, რომ ომს რუსულ ჯართან უკრაინის და საქართველოს გამარჯვებამდე მიიყვანენ.