დაბა ურეკში, თაყაიშვილის ქუჩაზე მდებარე ერთერთ სასტუმროში ხანძარი ჩააქრეს.
შსს-ს საგანგებო სიტუაციების მართვის სამსახურის ინფორმაციით, ხანძრის შედეგად არავინ დაშავებულა.
"შენობის მეოთხე სართულზე ძლიერი დაკვამლიანება და ღია ცეცხლი შეინიშნებოდა. ადგილზე დროულად გამოცხადდნენ სახანძრო-სამაშველო ძალების დეპარტამენტის თანამშრომლები და დაიწყეს ხანძრის ქრობის აქტიური სამუშაოები.
არსებობდა ცეცხლის დიდ ფართობზე გავრცელების საფრთხე, თუმცა მეხანძრე-მაშველების ოპერატიული რეაგირების შედეგად მოხერხდა ხანძრის დროული ლოკალიზება და შემდგომში სრული ლიკვიდირება.
ამ დროისთვის მიმდინარეობს ცალკეული მხრჩოლავი კერების წერტილოვანი დამუშავება", - ნათქვამია საგანგებო სიტუაციების მართვის სამსახურის განცხადებაში.
უწყების ცნობით, ადგილზე სახანძრო-სამაშველო სამსახურის 9 ეკიპაჟი მუშაობდა.
დახურვა