ქართული ოცნების დეპუტატის, ალუდა ღუდუშურის მტკიცებით, პოლონეთის საგარეო საქმეთა მინისტრს, რადოსლავ სიკორსკის პრეზიდენტ სალომე ზურაბიშვილთან კითხვა "წინასწარ ჰქონდა შეთანხმებული".
"სალომე ზურაბიშვილის გამოსვლა არაფრით განსხვავდებოდა, მაგალითად, როგორც გამოვიდოდა გიორგი ვაშაძე, ან ხაბეიშვილი, ან ნიკანორ მელია. არაფრით განსხვავდება, მაგალითად, ქალბატონი სალომე სამადაშვილისგან და მისი გამოსვლებისგან. ჩვენ ვერაფერი ვერ მოვისმინეთ.
მისი კონსპირაციული და ნაციონალური მოძრაობის სპიკერატის მიერ გაჟღერებული მესიჯბოქსი არის ძალიან დიდი უხერხულობა. მახვილ თვალს არ გამოეპარებოდა, ეს კითხვა ერთგვარად შთაბეჭდილებას ტოვებდა, რომ წინასწარი იყო შეთანხმებული. საერთოდ არ ჰქონდა მოულოდნელობა. [სიკორსკის] მკაფიო პოზიცია უნდა დაეჭირა. საქართველოს კანონმდებლობას ისევე უნდა პატივისცემა, როგორც იმ ქვეყნის კანონმდებლობას სცემენ პატივს, რომელსაც ბატონი სიკორსკი წარმოადგენს", - თქვა ღუდუშაურმა.
გუშინ, მიუნხენის უსაფრთხოების კონფერენციაზე საერთო დისკუსიის დროს პოლონეთის საგარეო საქმეთა მინისტრმა ზურაბიშვილს მიმართა და უთხრა, რომ მას შეუძლია, მიხეილ სააკაშვილის გათავისუფლებაში წვლილი შეიტანოს.
ამასთან, გუშინ ზურაბიშვილმა მიუნხენის უსაფრთხოების კონფერენციაზე სიტყვით გამოსვლისას განაცხადა, რომ საქართველოსთვის ევროკავშირის გაფართოება ეგზისტენციალური საკითხია. მისი თქმით, ევროკავშირის ინტერესებში შედის, რომ საქართველოს უსაფრთხოებისთვის რუსეთს ხელი შუშალოს, გახდეს ექსკლუზიური ძალა შავი ზღვის რეგიონში.
მიუნხენის უსაფრთხოების კონფერენცია 16 თებერვალს დაიწყო და გუშინ დამთავრდა. მასში მონაწილეობა დაახლოებით 50-მა სახელმწიფო მეთაურმა მიიღო.
დახურვა