პარიზში, სატირულ გამოცემა "შარლი ებდოს" ყოფილ ოფისთან მომხდარი თავდასხმის გამო პოლიციამ 7 ადამიანი დააკავა, - ამის შესახებ BBC იუწყება.
მედიასაშუალების ინფორმაციით, მთავარი ეჭვმიტანილი გუშინ, ინციდენტის ადგილთან ახლოს დააკავეს. ის 18 წლის პაკისტანელია. კიდევ 6 პირი მოგვიანებით დააკავეს. ისინი წინასწარი დაკავების იზოლატორში იმყოფებიან.
საფრანგეთის შინაგან საქმეთა მინისტრმა, ჟერალდ დარმანინმა მომხდარი "ტერორისტულ აქტად" შეაფასა.
შეგახენებთ, რომ თავდასხმა 2 პირზე გუშინ მოხდა. როგორც მოგვიანებით გაირკვა დაჭრილი მოქალაქეები ჟურნალისტები არიან. მათ ჭრილობები ცივი იარაღით აქვთ მიყენებული. დაშავებულები საავადმყოფოში გადაიყვანეს და მათი მდგომარეობა მძიმეა.
დახურვა