შინაგან საქმეთა სამინისტროს ინფორმაციით, დააკავეს პირი, რომელმაც თბილისში, მუხიანში მდებარე ერთ-ერთ სასურსათო მაღაზიაში ნისიად ალკოჰოლური სასმლის მიცემა მოითხოვა, უარის შემდეგ კი მაღაზიის მეპატრონესა და მის მეუღლეს სიტყვიერი და ფიზიკური შეურაცხყოფა მიაყენა.
უწყების ცნობით, გამოძიება სისხლის სამართლის კოდექსის 126-ე მუხლის პირველი ნაწილის "ბ" ქვეპუნქტით მიმდინარეობს, რაც ჯგუფურ ძალადობას გულისხმობს. მათივე ინფორმაციით, დაკავებული ამჟამად პირობითი მსჯავრის ქვეშაა.