პოლიციამ განზრახ მკვლელობის ბრალდებით კაცი დააკავეს.
გამოძიების ვერსიით, ბრალდებულმა თბილისში, გლდანში 82 წლის ნათესავ ქალს თავის ბინაში ბასრი საგნით დაზიანებები მიაყენა, რის შედეგადაც ქალი ადგილზე გარდაიცვალა. შსს-ში ამბობენ, რომ კაცმა ბინიდან ტელევიზორი წაიღო და ლომბარდში ჩაბარება სცადა, თუმცა ვერ შეძლო.
"იგი კვლავ შემთხვევის ადგილზე დაბრუნდა, კვალის დაფარვის მიზნით ცხედარს ცეცხლი მოუკიდა და მიიმალა", - აცხადებენ შსს-ში.
პოლიციამ კაცი მომხდარიდან რამდენიმე საათში დააკავა. გამოძიება სისხლის სამართლის კოდექსის 109-ე მუხლის მე-3 ნაწილის "გ" ქვეპუნქტით მიმდინარეობს, რაც ანგარებით ჩადენილ განზრახ მკვლელობას გულისხმობს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
დახურვა