შინაგან საქმეთა სამინისტრომ ოკუპანტების მიერ საქართველოს მოქალაქის მკვლელობისა და მეორე მოქალაქის გატაცების ფაქტზე გამოძიება დაიწყო.
უწყების მიერ გავრცელებული განცხადების თანახმად, "ფაქტთან დაკავშირებით საგამოძებო მოქმედებები" მიმდინარეობს.
"შინაგან საქმეთა სამინისტროს შიდა ქართლის პოლიციის დეპარტამენტის თანამშრომლებმა, გორის მუნიციპალიტეტის სოფელ კირბალთან, რუსეთის საოკუპაციო ძალის წარმომადგენლის მიერ ცეცხლსასროლი იარაღიდან გასროლის შედეგად საქართველოს მოქალაქის მკვლელობის და ერთი პირის გატაცების ფაქტებთან დაკავშირებით გამოძიება სისხლის სამართლის კოდექსის 109-ე და 143-ე მუხლებით დაიწყო, რაც განზრახ მკვლელობას და თავისუფლების უკანონო აღკვეთას გულისხმობს.
სამართალდამცველები ფაქტთან დაკავშირებით საგამოძიებო მოქმედებებს ატარებენ"- ნათქვამია განცხადებაში.
6 ნოემბერს სოფელ კირბალთან ოკუპანტებმა საქართველოს ერთი მოქალაქე მოკლეს, მეორე კი გაიტაცეს.
დახურვა