აპირებს თუ არა ხელისუფლება მორიგი მასშტაბური მშენებლობის წამოწყებას, ამჯერად დინამო არენაზე - პრემიერმინისტრი ბორის პაიჭაძის სახელობის სტადიონის მდგრადობის პრობლემებზე მოულოდნელად ალაპარაკდა, მას შემდეგ, რაც სტადიონზე სულ ცოტა ხნის წინ მნიშვნელოვანი საფეხბურთო მატჩები და უცხოური ბენდის კონცერტიც კი გაიმართა. ფორმულასთვის ცნობილი ხდება, რომ დინამო არენას მდგრადობა სამხარაულის ექსპერტიზის ბიურომ შეისწავლა და დასკვნა სტადიონის ადმინისტრაციას მხოლოდ ფორმულას დაინტერესების შემდეგ გადაუგზავნა. მთავრობის საეჭვო გეგმებს დინამო არენას შესახებ აძლიერებს პრემიერის მიერ დაანონსებული მასშტაბური სტადიონის მშენებლობა ვაზიანშიც.
დახურვა