აზერბაიჯანელ ჟურნალისტს, აფგან სადიგოვს 3 თვის ვადით საექსტრადაციო პატიმრობა შეეფარდა.
ჟურნალისტის უფლებადამცველი საქალაქოს გადაწყვეტილების გასაჩივრებას გეგმავს.
აფგან სადიგოვი 3 აგვისტოს, თბილისში დააკავეს. ჟურნალისტის დაკავების შესახებ სოციალურ ქსელში გახდა ცნობილი - შესაბამისი ვიდეო მასალა სადიგოვის ცოლმა Facebook-ზე გაავრცელა. ვიდეოში ჩანს, რომ ინგოროყვას ქუჩაზე ცოლ-შვილთან ერთად მყოფ ჟურნალისტს შკოდის მარკის ავტომობილში სვამენ. მისი დაკავება არასრულწლოვანი შვილების თანდასწრებით მოხდა.
როგორც ფორმულას შსს-ში უთხრეს, სადიგოვი "2024 წლიდან მუქარისა და გამოძალვის ფაქტებზე გათვალისწინებული დანაშაულის ჩადენისათვის იძებნებოდა".
მოგვიანებით ადვოკატმა თქვა, რომ სადიგოვის დაკავება აზერბაიჯანული მხარის მოთხოვნით მოხდა.
დახურვა