უკრაინის შეიარაღებულმა ძალებმა კურსკის ოლქში ხიდი გაანადგურა, რომელსაც რუსები არმიის მომარაგებისთვის იყენებდნენ. ინფორმაციას ამის შესახებ რუსი სამხედრო ბლოგერები და ძალოვნებთან კავშირში მყოფი ტელეგრამ-არხი ავრცელებს.
ცნობილია, რომ ხიდი, რომელიც მდინარე სეიმს კვეთდა და სოფელ ზვანნოეში მდებარეობდა, რუსებისთვის სტრატეგიულად მნიშვნელოვანი იყო.
ტელეგრამ-არხი - Mash წერს, რომ თავდასხმა HIMARS-ის რაკეტებით განხორციელდა. კიდევ ერთი არხი წერს, რომ გლუშკოვის რაიონში დარჩა მხოლოდ ერთი ხიდი, რომლითაც რუსეთი არმიის მომარაგებას შეძლებს - ის სოფელ კარიჟში მდებარეობს.
ეს კურსკის ოლქში რიგით მეორე ხიდია, რომელიც უკრაინელებმა გაანადგურეს. 16 აგვისტოს იერიშის შედეგად პირველი სტრატეგიული ხიდი დაინგრა.
დახურვა