ქართულმა ოცნებამ დღეს 2024 წლის საარჩევნო სიის პირველი ოცეული წარადგინა, რომლის სათავეშიც პარტიის საპატიო თავმჯდომარე ბიძინა ივანიშვილია.
სიას რამდენიმე ახალი სახე შეემატა, მათ შორის სპორტსმენები - გენო პეტრიაშვილი და ლაშა ტალახაძე, ასევე ქართული ოცნებიდან ფორმალურად გამიჯნული ხალხის ძალის დეპუტატებიც - სოზარ სუბარი და მიხეილ ყაველაშვილი, თუმცა სიაში აღარაა საპარლამენტო გუნდის რამდენიმე წევრი.
სიაში აღარ არიან: არჩილ თალაკვაძე, რომელიც 2020 წლის საპარლამენტო არჩევნებში ქართული ოცნების სიის მე-2 ნომერი იყო, მარიამ ლაშხი, ვიქტორ სანიკიძე, დავით კაჭარავა, ბექა დავითულიანი, გიორგი კახიანი, მიხეილ სარჯველაძე, მაია ბითაძე, გიორგი ამილახვარი.
ვინ არიან ოცნების საარჩევნო სიის პირველ ოცეულში - ვრცლად
საქართველოში საპარლამენტო არჩევნები 2024 წლის 26 ოქტომბერს ჩატარდება. დეპუტატებს მხოლოდ პროპორციული სისტემით აირჩევენ. მანდატები განაწილდება იმ პოლიტიკურ პარტიებზე, რომლებიც არჩევნებში 5%-იან ბარიერს გადალახავენ.
დახურვა