შინაგან საქმეთა სამინისტროში ფორმულას უთხრეს, რომ აქტივისტი დოდი ხარხელი არ დაუკავებიათ.
ამასთან, უწყებაში ამბობენ, რომ ერთ-ერთ სისხლის სამართლის საქმესთან დაკავშირებით მიმდინარეობს საგამოძიებო მოქმედებები, თუმცა არ აკონკრეტებენ, რა მუხლზეა საუბარი.
2 საათზე მეტი ხნის წინ გავრცელდა ინფორმაცია, რომ დოდი ხარხელი დააკავეს. Facebook-ზე გავრცელდა ვიდეო, რომელის მიხედვითაც, დოდი ხარხელმა ბავშვი საბავშვო ბაღში დატოვა, შემდეგ კი ის პოლიციამ მანქანაში ჩასვა.
მანამდე, ლევან წიკლაურმა Facebook-ზე დაწერა, რომ დოდი ხარხელის სახლთან შინაგან საქმეთა სამინისტროს თანამშრომლები მივიდნენ.
მოგვიანებით, დოდი ხარხელი პოლიციამ სახლში მიიყვანა, სადაც ამ დრომდე საგამოძიებო მოქმედებები მიმდინარეობს. უცნობია, რა ტიპის საგამოძიებო მოქმედებები მიმდინარეობს.
დახურვა