ბათუმის პროევროპული აქციების მედროშე, თემურ ქათამაძე (გაფფარ ილმაზი), რომელიც 30 დღეა შიმშილობს, იზოლატორიდან კლინიკა ჰელსიკორში გადაიყვანეს.
ინფორმაცია ამის შესახებ ბათუმელებს ქათამაძის მეგობარმა დაუდასტურა.
"დილით ვნახე – ფიზიკურად ძალიან დასუსტებულია, გამხდარი და გაუპარსავი, თუმცა სულიერად ისევ მტკიცეა. აქტიურად აგროვებს საბუთებს თავისი საქმისთვის. ახლახან ადვოკატს ვესაუბრე და მითხრა, რომ უკვე კლინიკაშია," – განაცხადა ნინო კაკულიამ.
ქათამაძის ინტერესების დამცველის, საქართველოს ახალგაზრდა იურისტთა ასოციაციის ადვოკატის, მარიამ გაბროშვილის თქმით, აქტივისტი კლინიკაში აუცილებელი სამედიცინო გამოკვლევებისთვის გადაიყვანეს.
დახურვა