უკრაინის სახელმწიფო საგანგებო სამსახურის განცხადებით, 24 აპრილის ღამეს, კიევზე რუსული სარაკეტო და უპილოტო საფრენი აპარატებით თავდასხმის შედეგად, დაღუპულთა რიცხვი 12-მდე გაიზარდა, ხოლო 90 ადამიანი დაშავდა.
კიევის მერმა, ვიტალი კლიჩკომ თქვა, რომ 31 ადამიანი საავადმყოფოში რჩება და სამაშველო ოპერაცია ნანგრევებში ჩარჩენილი მსხვერპლის გამოსაყვანად მიმდინარეობს.
კლიჩკოს თქმით,დაშავებულებს შორის 6 ბავშვი და 1 ორსული ქალია.
კიევის საქალაქო სამხედრო ადმინისტრაციამ განაცხადა, რომ რუსეთმა თავდასხმის დრონები, ასევე ფრთოსანი და ბალისტიკური რაკეტები გაუშვა.
უკრაინის დედაქალაქში აფეთქებების სერია 24 აპრილს ადგილობრივი დროით 01:00 საათზე მოხდა, ხოლო განმეორებითი აფეთქებების ხმა, მოგვიანებით ადგილობრივი დროით დილის 4 საათზე გაისმა.
დახურვა