გაეროს გენერალურმა ასამბლეამ 3 ივნისს კიდევ ერთხელ დაუჭირა მხარი საქართველოს სუვერენიტეტსა და ტერიტორიულ მთლიანობას. ასამბლეამ მიიღო რეზოლუცია „იძულებით გადაადგილებულ პირთა და ლტოლვილთა სტატუსის შესახებ აფხაზეთიდან და ცხინვალის რეგიონიდან/სამხრეთ ოსეთიდან, საქართველო“, რომელსაც მხარი 107 ქვეყანამ დაუჭირა, 9 წინააღმდეგ წავიდა, ხოლო 49-მა თავი შეიკავა.
რეზოლუციაში ხაზგასმულია ყველა იძულებით გადაადგილებული პირისა და ლტოლვილის — მათი ეთნიკური კუთვნილების მიუხედავად — თავიანთ სახლებში დაბრუნების უფლება. დოკუმენტში ასევე აღნიშნულია ქონებრივი უფლებების პატივისცემა, უსაფრთხო და ნებაყოფლობით დაბრუნებაზე მუშაობის საჭიროება და საერთაშორისო მოლაპარაკებების ფარგლებში მშვიდობის დამყარებისკენ მოწოდება.
დახურვა