"ოცნების" პროკურატურამ რუსთაველის გამზირის მეორედ გადაკეტვისთვის ზურაბ მენთეშაშვილს ბრალდება წარუდგინა.
უწყება ამტკიცებს, რომ 25 ოქტომბერს მენთეშაშვილს სახე ჰქონდა დაფარული და "ხელოვნურად კეტავდა" რუსთაველის გამზირს მაშინ, "როდესაც ხალხის მცირე რაოდენობის გამო არ არსებობდა აღნიშნულის აუცილებლობა."
"დანაშაული" "ოცნების" რეპრესიული კანონების მიხედვით, 1-წლამდე პატიმრობას ითვალისწინებს.
"შინაგან საქმეთა სამინისტროს მიერ ჩატარებული გამოძიებით დადგინდა, რომ 25 ოქტომბერს თბილისის საქალაქო სასამართლოს ადმინისტრაციულ საქმეთა კოლეგიის დადგენილებით, გზის ხელოვნურად გადაკეტვის გამო ადმინისტრაციულ სახდელდადებული პირი, 31 ოქტომბერს, იმყოფებოდა თბილისში, საქართველოს პარლამენტის მიმდებარე ტერიტორიაზე გამართულ საპროტესტო აქციაზე, რა დროსაც მას სახე ჰქონდა დაფარული და ხელოვნურად კეტავდა საავტომობილო გზას მაშინ, როდესაც ხალხის მცირე რაოდენობის გამო არ არსებობდა აღნიშნულის აუცილებლობა.
სამართალდამცველებმა ბრალდებული 1 ნოემბერს დააკავეს. მას ბრალდება საქართველოს სისხლის სამართლის კოდექსის 347-ე მუხლის პირველი ნაწილით წარედგინა.
პროკურატურა ბრალდებულის მიმართ აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს", - წერს პროკურატურა.
ცნობისთვის, ზურა მენთეშაშვილი, გზის გადაკეტვის საბაბით, 24 ოქტომბერსაც დააკავეს. მან იზოლატორი 29 ოქტომბერს დატოვა.
დახურვა