გერმანიის კანცლერმა ფრიდრიხ მერცმა განაცხადა, რომ ევროკავშირში გაყინული რუსეთის სახელმწიფო აქტივები არ უნდა გადაეცეს აშშ-ს, როგორც ეს განიხილებოდა დონალდ ტრამპის სამშვიდობო მოლაპარაკებების კონტექსტში. Reuters-ის ცნობით, მერცი ხაზს უსვამს, რომ ეს სახსრები უკრაინის დასახმარებლად უნდა იქნას გამოყენებული.
„ეს ფული უკრაინას უნდა მოხმარდეს,“ — თქვა მერცმა, განმარტებით, რომ კიევი ზამთრის გადასალახად და მომდევნო რამდენიმე წლის ფინანსური საჭიროებების უზრუნველსაყოფად მნიშვნელოვან დახმარებას საჭიროებს. მისივე თქმით, ევროკავშირის რესურსების აშშ-ში გადატანას „ეკონომიკური საფუძველი არ გააჩნია“, რაც ვაშინგტონსაც კარგად ესმის.
მერცმა აღნიშნა, რომ აშშ-ში ზოგიერთი მხარე შესაძლოა ცდილობდეს გარკვეული ეკონომიკური სარგებლის მიღებას ომის შესაძლო შეთანხმებიდან, თუმცა ეს „არასოდეს ყოფილა ის მიზანი“, რომელსაც ევროპა საკუთარი ინიციატივებით მისდევს.
დახურვა