ევროპის 11 სახელმწიფო და ევროკავშირის ინსტიტუტები უკრაინაში ომის დასრულებასა და სამშვიდობო მოლაპარაკებებთან დაკავშირებით ერთობლივ განცხადებას ავრცელებენ.
გერმანიის, დანიის, ფინეთის, საფრანგეთის, იტალიის, ლიეტუვის, ნიდერლანდების, ნორვეგიის, პოლონეთის, შვედეთის, გაერთიანებული სამეფოს, ევროპული საბჭოს, ევროკომისიის ლიდერების განცხადებაში ხაზგასმულია, რომ ისინი მიესალმებიან აშშ-ის, ევროპისა და უკრაინს მხარეების საერთო პოზიციონირებას.
მათ ასევე ყურადღება გაამახვილეს რუსეთზე ზეწოლის გაზრდის აუცილებლობასა და კრემლის მოლაპარაკებების მაგიდასთან დაყოლიების აუცილებლობაზე.
განცხადებაში გაწერილია უსაფრთხოებისა და ეკონომიკური ის ძირითადი პუნქტები, რომლებსაც ევროპელი ლიდერები გრძელვადიანი მშვიდობისთვის მნიშვნელოვნად მიიჩნევენ.
განცხადებას სრულად გთავაზობთ:
"ლიდერები მიესალმნენ მნიშვნელოვან პროგრესს პრეზიდენტ ტრამპის ძალისხმევაში, რომელიც მიზნად ისახავს უკრაინაში სამართლიანი და ხანგრძლივი მშვიდობის უზრუნველყოფას. ისინი ასევე მიესალმნენ პრეზიდენტ ზელენსკის, პრეზიდენტ ტრამპის გუნდებსა და ევროპულ გუნდებს შორის მჭიდრო თანამშრომლობას ბოლო დღეებისა და კვირების განმავლობაში. ისინი შეთანხმდნენ, რომ იმუშავებენ პრეზიდენტ ტრამპთან და პრეზიდენტ ზელენსკისთან ერთად, რათა მიაღწიონ ხანგრძლივ მშვიდობას, რომელიც შეინარჩუნებს უკრაინის სუვერენიტეტსა და ევროპულ უსაფრთხოებას. ლიდერებმა დადებითად შეაფასეს ამერიკის შეერთებული შტატების, უკრაინისა და ევროპის პოზიციების ძლიერი დამთხვევა.
ლიდერები შეთანხმდნენ, რომ უკრაინის უსაფრთხოების, სუვერენიტეტისა და კეთილდღეობის უზრუნველყოფა ევროატლანტიკური უსაფრთხოებისთვის იყო განუყოფელი. მათ მკაფიოდ განაცხადეს, რომ უკრაინა და მისი ხალხი იმსახურებს აყვავებულ, დამოუკიდებელ და სუვერენულ მომავალს, თავისუფალს რუსეთის მომავალი აგრესიის შიშისგან.
როგორც აშშ-ის, ისე ევროპის ლიდერებმა იკისრეს ვალდებულება, ერთობლივად იმუშაონ უკრაინისთვის მტკიცე უსაფრთხოების გარანტიებისა და ეკონომიკური აღდგენის მხარდაჭერის ღონისძიებების უზრუნველსაყოფად ომის დასრულების შესახებ შეთანხმების კონტექსტში. ეს მოიცავს შემდეგ ვალდებულებებს:
უკრაინის შეიარაღებული ძალების ასაშენებლად მუდმივი და მნიშვნელოვანი მხარდაჭერის უზრუნველყოფას. ამ ძალების მშვიდობიანობის დონის შენარჩუნება უნდა მოხდეს 800,000-ის ფარგლებში, რათა შეძლოს კონფლიქტის შეკავება და უკრაინის ტერიტორიის დაცვა.
ევროპის ხელმძღვანელობით შექმნილი ‘უკრაინის მრავალეროვნული ძალა’, რომელიც შედგება ნებაყოფლობითი ქვეყნების შენატანებისგან ‘მსურველთა კოალიციის’ ფარგლებში და მხარდაჭერილია აშშ-ის მიერ. ის დაეხმარება უკრაინის ძალების აღდგენაში, უკრაინის ცის დაცვასა და ზღვების უსაფრთხოების უზრუნველყოფაში, მათ შორის უკრაინის შიგნით ოპერირების გზით.
აშშ-ის ხელმძღვანელობით ცეცხლის შეწყვეტის მონიტორინგისა და ვერიფიკაციის მექანიზმს საერთაშორისო მონაწილეობით, რათა უზრუნველყოს ადრეული გაფრთხილება ნებისმიერი სამომავლო თავდასხმის შესახებ და გამოავლინოს ნებისმიერი დარღვევა და რეაგირება მოახდინოს მასზე, ასევე დეესკალაციის მექანიზმს, რომელიც იმუშავებს ურთიერთშეთანხმებულ დეესკალაციის ქმედებებზე, რაც ყველა მხარის ინტერესშია.
სამართლებრივი ვალდებულებას (ეროვნული პროცედურების შესაბამისად), მიიღონ ზომები მშვიდობისა და უსაფრთხოების აღსადგენად მომავალი შეიარაღებული თავდასხმის შემთხვევაში. ეს ზომები შეიძლება მოიცავდეს შეიარაღებულ ძალებს, დაზვერვისა და ლოგისტიკურ დახმარებას, ეკონომიკურ და დიპლომატიურ ქმედებებს.
ინვესტირებას უკრაინის მომავალ კეთილდღეობაში, მათ შორის ძირითადი რესურსების გამოყოფას აღდგენისა და რეკონსტრუქციისთვის, ურთიერთსასარგებლო სავაჭრო შეთანხმებებს და იმის გათვალისწინებას, რომ რუსეთმა უნდა აუნაზღაუროს უკრაინას მიყენებული ზიანი. ამ კუთხით, რუსეთის სუვერენული აქტივები ევროკავშირში გაყინულია.
უკრაინის ევროკავშირში გაწევრიანების მტკიცე მხარდაჭერას.
ლიდერებმა გამოხატეს მხარდაჭერა პრეზიდენტ ზელენსკის მიმართ და შეთანხმდნენ, რომ მხარს დაუჭერენ ნებისმიერ გადაწყვეტილებას, რომელსაც ის საბოლოოდ მიიღებს უკრაინის კონკრეტულ საკითხებთან დაკავშირებით. მათ კიდევ ერთხელ დაადასტურეს, რომ საერთაშორისო საზღვრები ძალით არ უნდა შეიცვალოს. ტერიტორიებთან დაკავშირებით გადაწყვეტილებები უკრაინელ ხალხზეა, მას შემდეგ, რაც მტკიცე უსაფრთხოების გარანტიები ეფექტურად ამოქმედდება. ისინი შეთანხმდნენ, რომ ზოგიერთი საკითხი მოლაპარაკებების საბოლოო ეტაპებზე უნდა გადაწყდეს. მათ ხაზი გაუსვეს, რომ მხარს დაუჭერენ პრეზიდენტ ზელენსკის, საჭიროების შემთხვევაში, საკუთარ ხალხთან კონსულტაციების გასამართად.
ისინი მკაფიოდ აცხადებენ, რომ ნებისმიერი გარიგების მსგავსად, არაფერია შეთანხმებული, სანამ ყველაფერი არ არის შეთანხმებული, და რომ ყველა მხარემ ინტენსიურად უნდა იმუშაოს გადაწყვეტისკენ, რომელსაც შეუძლია ბრძოლის ხანგრძლივი დასასრულის უზრუნველყოფა.
მათ ასევე მკაფიოდ განაცხადეს, რომ ნებისმიერმა გარიგებამ უნდა დაიცვას ევროატლანტიკური სივრცის გრძელვადიანი უსაფრთხოება და ერთიანობა და ნატოს როლი მტკიცე შეკავების უზრუნველყოფაში. მათ განაცხადეს, რომ ევროკავშირსა და ნატოზე მოქმედი ნებისმიერი ელემენტი განხილული იქნება შესაბამისად ევროკავშირისა და ნატოს წევრებს შორის.
ახლა რუსეთზეა დამოკიდებული, აჩვენოს მზადყოფნა იმუშაოს ხანგრძლივი მშვიდობისკენ პრეზიდენტ ტრამპის სამშვიდობო გეგმაზე დათანხმებით და დაადასტუროს თავისი ვალდებულება ბრძოლის დასრულების შესახებ ცეცხლის შეწყვეტაზე დათანხმებით. ლიდერები შეთანხმდნენ, რომ გააგრძელებენ ზეწოლის გაზრდას რუსეთზე, რათ
ა მოსკოვი დაარწმუნონ მოლაპარაკებებში სერიოზულად ჩართვაზე.
მათ ყველამ იკისრეს ვალდებულება, იმუშაოს სწრაფ შემდგომ პროგრესზე უახლოეს დღეებსა და კვირებში, რათა ერთობლივად დაასრულონ და დაამტკიცონ შეთანხმება ხანგრძლივი მშვიდობისთვის. მათ კიდევ ერთხელ დაადასტურეს მტკიცე მხარდაჭერა პრეზიდენტ ზელენსკისა და უკრაინელი ხალხის მიმართ რუსეთის უკანონო შეჭრის წინააღმდეგ ბრძოლაში და სამართლიანი და ხანგრძლივი მშვიდობის მიღწევაში."
დახურვა