Bloomberg დასავლელი უსაფრთხოების სამსახურის ოფიციალურ პირებზე დაყრდნობით წერს, რომ ირანმა რუსეთს თითქმის 3 მილიარდი დოლარის ღირებულების რაკეტები მიჰყიდა.
კერძოდ, გამოცემა წერს, რომ ირანმა რუსეთთან დაახლოებით 2.7 მილიარდი დოლარის ღირებულების რაკეტებთან დაკავშირებით კონტრაქტი გააფორმა, რათა რუსეთის პრეზიდენტ ვლადიმერ პუტინს უკრაინის წინააღმდეგ ომში დახმარებოდა.
Bloomberg-ის ცნობით, შეთანხმება 2021 წლის ოქტომბერში, ომის დაწყებამდე რამდენიმე თვით ადრე გაფორმდა.
კონტრაქტები მოიცავდა - ბალისტიკურ და მიწა-ჰაერი კლასის რაკეტებს, კერძოდ - Fath-360-ის ტიპის მცირე მანძილზე მოქმედ ასობით ბალისტიკურ რაკეტას, სხვა ტიპის მცირე მანძილზე მოქმედ 500 რაკეტას, მიწა-ჰაერი კლასის 200-მდე რაკეტას.
გამოცემა წერს, რომ გარდა ამისა, ირანმა რუსეთს მილიონობით საბრძოლო მასალა და საარტილერიო ჭურვი მიაწოდა, ასევე Shahed-136 დრონები და ტექნოლოგია მათი რუსეთში წარმოებისთვის.
დახურვა