ჩეჩნეთის ლიდერის, რამზან კადიროვის შვილი ადამ კადიროვი ავტოსაგზაო შემთხვევის შემდეგ გროზნოს ახალ რესპუბლიკურ საავადმყოფოში გადაიყვანეს. არსებული ინფორმაციით, მისი მდგომარეობა მძიმეა. ამის შესახებ Kavkaz.Realii-ს ორი დამოუკიდებელი წყარო უყვება, მსგავს ინფორმაციას ავრცელებენ ოპოზიციური ტელეგრამ-არხებიც.
ერთ-ერთი წყაროს თქმით, საავადმყოფოს მიმდებარე გზები გადაკეტილია, რადგან ადამ კადიროვი რეანიმაციაში უგონო მდგომარეობაშია მოთავსებული. „ზუსტი ინფორმაცია მისი ჯანმრთელობის შესახებ ამ ეტაპზე არ გვაქვს“, - აცხადებს წყარო გროზნოდან.
მოძრაობა NIYSO-ს ინფორმაციით, ადამ კადიროვის კორტეჟი მაღალი სიჩქარით გადაადგილდებოდა, როდესაც მოულოდნელად დაბრკოლებას შეეჯახა. შედეგად, ერთმანეთს რამდენიმე ავტომობილი შეეჯახა.
დახურვა