მშვიდობა ქმნის პროგნოზირებადობას, პროგნოზირებადობა – ინვესტიციებს, ინვესტიციები ეკონომიკურ ზრდას. საქართველოს გამოარჩევს არა მხოლოდ ის, რაც ჩვენ შევქმენით, არამედ, როგორ ვურთიერთობთ მსოფლიოსთან, – ამის შესახებ "ოცნების" პრემიერ-მინისტრმა ირაკლი კობახიძემ 2026 წლის მსოფლიო მთავრობათა სამიტზე სიტყვით გამოსვლისას განაცხადა.
„საქართველოს გამოცდილება მარტივ პრინციპს ცხადყოფს – მშვიდობა ქმნის პროგნოზირებადობას, პროგნოზირებადობა ქმნის ინვესტიციებს, ინვესტიციები – ეკონომიკურ ზრდას. საქართველოს რაც ნამდვილად გამოარჩევს, არის არა მხოლოდ ის, რაც ჩვენ შევქმენით, არამედ ის, როგორ ვურთიერთობთ მსოფლიოსთან. ევროკავშირთან, ჩინეთთან, თურქეთთან, ევროპის თავისუფალი ვაჭრობის ქვეყნებთან და დსთ-სთან თავისუფალი ვაჭრობის შეთანხმებებით – ჩვენზე გადის გზა 2.3 მილიარდ მომხმარებლამდე. მეტოქე ბლოკების მიერ განსაზღვრულ ეპოქაში, საქართველომ კავშირი არჩია კონფრონტაციას. პარტნიორებს არ ვთხოვთ მხარის არჩევას. ჩვენ მათ ვთავაზობთ პლატფორმას, სადაც თანამშრომლობა კვლავ შესაძლებელია“, – განაცხადა კობახიძემ.
დახურვა