NASA-ს ინფორმაციით, NASA-ს მისია "არტემის II" მთვარის გარშემო ისტორიული მოგზაურობის შემდეგ დედამიწაზე წარმატებით დაეშვა.
"არტემის II"-ის ასტრონავტები მთვარის გარშემო 10-დღიანი მოგზაურობის შემდეგ წარმატებით და უსაფრთხოდ დაეშვნენ წყნარ ოკეანეში, სამხრეთ კალიფორნიის სან დიეგოს სანაპიროსთან.
"არტემის II"-ის ასტრონავტებმა მოგზაურობის ფარგლებში კაცობრიობის ისტორიაში ყველაზე შორ წერტილს მიაღწიეს და 56 წლის წინ "აპოლო13"-ის მიერ დამყარებული რეკორდი მოხსნეს.
მისიის წევრები უკვე გადაიყვანეს სამაშველო ხომალდზე, სადაც მათ სამედიცინო შემოწმება ჩაუტარდათ და თავს კარგად გრძნობენ.
მისიის მეთაურმა თქვა, რომ ეკიპაჟის ოთხივე წევრი თავს კარგად გრძნობს.
"Artemis-II"-ის მისიაში შედიოდა ოთხი ადამიანი: ხომალდის მეთაური რიდ უიზმანი, პილოტი ვიქტორ გლოვერი, მისიის ინჟინერ-სპეციალისტი კრისტინა კუკი და კანადის კოსმოსური სააგენტოს ასტრონავტი, მფრინავი-გამომცდელი ჯერემი ჰანსენი. ჰანსენი გახდა ისტორიაში პირველი კანადელი, რომელიც მთვარეზე გაფრინდა. "Artemis-II"-ის ფარგლებში კოსმონავტებმა 10 დღე გაატარეს კოსმოსში, ამ დროის განმავლობაში ისინი გაფრინდნენ მთვარეზე, შემოუფრინეს მას გარშემო და დედამიწაზე უდაფრთხოდ დაბრუნდნენ.
დახურვა