"ქარული ოცნების" ვიცეპრემიერის მამუკა მდინარაძის მტკიცებით, დიუშენის თემით პიარის კეთება ცუდია, მისი თქმით ეს საკითხი არა წაქეზებით, რომ მეტი დრო გაატარონ რომელი დაწესებულებასთან მშობლებმა, არამედ პროფესიული, სიღრმისეული დისკუსიის შედეგად უნდა მოგვარდეს.
"უფრო სენსიტიური თემა, ვიდრე დიუშენის თემაა, ჩვენს ქვეყანაში დღეს არ არსებობს. ნებისმიერი მშობელი გააკეთებს ყველაფერს იმისთვის, რომ 1 დღეც კი თავის შვილს პოზიტიური მიმართულებით რაღაც საკითხი გადაუწყვიტოს და ამით პიარის კეთება, ჩემი აზრით, ძალიან ცუდი რამეა. ვინაიდან, გულწრფელად მიმაჩნია, რომ ეს საკითხი არა წაქეზებით, რომ მეტი დრო გაატარონ რომელი დაწესებულებასთან მშობლებმა, განერვიულებულმა მშობლებმა, არამედ ყველამ უნდა უთხრას მათ, რომ ეს საკითხი, რომელიც ექსპერიმენტულია მთელ მსოფლიოში, იმ დღეს ჟურნალისტისგან გავიგე, რომ საექსპერიმენტოდ დღეს ჩაუშვეს ბრიტანეთშიო, საექსპერიმენტო მედიკამენტი, რომელიც, რიგ შემთხვევაში, საერთო ჯამს თუ გამოვიყვანთ ასეულობით მილიონი დოლარი შეიძლება დაჯდეს, ამის გამოყენება პროტესტის საფუძვლად გადაწყვეტილებას კი არ ექვემდებარება, ექვემდებარება დისკუსიას, რამდენად სწორია და პროფესიულ დისკუსიას, რამდენად მართებულია, ამ ადამიანების მიმართ გამოსაყენებლად და 1 წლის მერე რაღაც გარანტია მინიმუმ უნდა იდოს, რომ კი ბატონო, რაღაც საკითხი და, საბედნიეროდ, ეს საკითხი სიცოცხლეს არ ეხება და ა.შ. რაღაც საკითხი, გვიან გადაწყდეს ნეგატიური საკითხი და პოზიტიური გახანგრძლივდეს - ეს საკითხი უნდა გადაწყდეს პროფესიული, სიღრმისეული დისკუსიის და არა პროტესტის შედეგად." - თქვა ივანიშვილის წარმომადგენელმა, მამუკა მდინარაძემ დიუშენის სინდრომის მქონე ბავშვების მშობლების პროტესტზე", - თქვა მდინარაძემ.
დიუშენით დაავადებული ბავშვების მშობლები მედიკამენტის მოთხოვნით უწყვეტ აქციებს მართავენ და მთავრობის ადმინისტრაციასთან ღამეს ათენებენ. საუბარია ასი ბავშვის სიცოცხლესა და ჯანმრთელობაზე, რომლებსაც აქვთ ეს დაავადება.
17 მაისს, ოჯახის სიწმინდის დღეს, "მიეცით წამალი ბავშვებს" - ამ ლოზუნგით რუსთაველის მეტროდან მთავრობის ადმინისტრაციამდე დიუშენით დაავადებული ბავშვების მხარდამჭერი აქცია-მსვლელობა მიმდინარეობდა.
მსვლელობაში, პაციენტების მშობლების გარდა, ის ადამიანები იღებდნენ მონაწილეობას, ვინც ბავშვებისთვის ქვეყანაში მედიკამენტის შემოტანას უჭერს მხარს.
როგორც მშობლები აცხადებენ, ისინი განუწყვეტლივ ეცდებიან, გააგონონ ხმა ხელისუფლებას, რომ დიუშენის კუნთოვანი დისტროფიით დაავადებულ ბავშვებს დახმარება სჭირდებათ, შესაბამისი მედიკამენტის შემოტანა მათთვის სასიცოცხლოდ მნიშვნელოვანია და თითოეული დღე ამ დაავადების მქონე პაციენტებისთვის გადამწყვეტია.
დახურვა