ევროკომისიის სპიკერი მარკუს ლამბერტი "ევროსკოპის" შეკითხვას პასუხობს ვიზალიბერალიზაციის საკითხთან დაგეგმილ შეხვედრაზე.
ლამბერტი აღნიშნავს, რომ შეხვედრა იმ პროცესის ნაწილია, რომელიც მას შემდეგ დაიწყო, რაც ევროკომისიამ 2026 წლის მარტში საქართველოს დიპლომატიური და სამსახურებრივი პასპორტების მფლობელებისთვის უვიზო მიმოსვლა თავდაპირველად 12 თვის ვადით შეაჩერა.
მისი თქმით, როდესაც უვიზო მიმოსვლის შესახებ შეთანხმების მოქმედება ჩერდება, ევროკომისია შესაბამის ქვეყანასთან იწყებს ე.წ. "გაძლიერებულ დიალოგს", რომლის მიზანიც იმ გარემოებების გამოსწორებაა, რამაც შეჩერების გადაწყვეტილება გამოიწვია.
"2026 წლის მარტში კომისიამ თავდაპირველად 12 თვის ვადით შეუჩერა უვიზო მიმოსვლა საქართველოს იმ მოქალაქეებს, რომლებიც დიპლომატიური და სამსახურებრივი პასპორტების მფლობელები არიან. ეს მას შემდეგ მოხდა, რაც წევრი ქვეყნები შეთანხმდნენ ამაზე. როდესაც უვიზო მიმოსვლის შესახებ შეთანხმება ჩერდება, კომისია შესაბამის მესამე ქვეყანასთან იწყებს პროცესს, რომელსაც ჩვენ "გაძლიერებულ დიალოგს" ვუწოდებთ. მისი მიზანია იმ გარემოებების გამოსწორება, რომელმაც შეჩერება გამოიწვია. ამ კონტექსტში, 11 ივნისს გაიმართება პირველი შეხვედრა ევროკომისიასა და საქართველოს ოფიციალური პირების დელეგაციას შორის. აი, რას ეხება ეს შეხვედრა.
შეგახსენებთ იმასაც, რომ კომისიის შეფასებით, საქართველოს ხელისუფლების ქმედებები ძირს უთხრის იმ პრინციპებს, რომლებსაც ვიზალიბერალიზაცია ეფუძნება, მათ შორის ადამიანის უფლებების პატივისცემასა და დემოკრატიულ პრინციპებს. ეს ქმედებები შეუსაბამოა კავშირის ნორმებსა და ღირებულებებთან და აფერხებს ევროკავშირსა და საქართველოს შორის ეკონომიკური, ჰუმანიტარული, კულტურული, სამეცნიერო და სხვა კავშირების სტაბილურ განვითარებას.
ეს არის ტექნიკური შეხვედრა, რომელიც იმართება შეჩერების პროცესისა და კონტექსტის ფარგლებში", - თქვა მარკუს ლამბერტიმ.
დახურვა