იაპონიის საგარეო საქმეთა მინისტრმა, ტოშიმიცუ მოტეგიმ მკვეთრი პროტესტი გამოუთქვა მოსკოვს რუსეთის პრეზიდენტ ვლადიმირ პუტინის სადავო კურილის კუნძულებზე ჩასვლის გამო. ტოკიოს განცხადებით, აღნიშნული კუნძულები (იაპონიისთვის — „ჩრდილოეთის ტერიტორიები“) ქვეყნის ისტორიული და იურიდიულად განუყოფელი ნაწილია.
კრემლის პრესსამსახურისა და რუსული მედიის ცნობით, პუტინმა 13 აგვისტოს თავისი პირველი სამუშაო ვიზიტი დაასრულა კუნძულ იტურუპზე (იაპონური დასახელებით — ეტოროფუ). ვიზიტის ფარგლებში მან დაათვალიერა ადგილობრივი თევზის გადამამუშავებელი კომპლექსი, ცენტრალური საავადმყოფო, სკოლა და შეხვდა ადგილობრივ მოსახლეობას.
იაპონია მეორე მსოფლიო ომის შემდეგ საბჭოთა კავშირის მიერ ანექსირებულ ოთხ კუნძულს — იტურუპს, შიკოტანს, კუნაშირს და ხაბომაის — საკუთარ ტერიტორიებად მიიჩნევს. პუტინამდე რუსეთის უმაღლესი ხელისუფლებიდან კუნძულ იტურუპს სხვადასხვა წლებში მხოლოდ დმიტრი მედვედევი და მიხაილ მიშუსტინი სტუმრობდნენ.
დახურვა