რუსულმა დრონებმა ოდესის ოლქში, მოლდოვის საზღვართან მდებარე საერთაშორისო სასაზღვრო-გამშვებ პუნქტ „სტაროკოზაჩეს“ ინფრასტრუქტურას დაარტყეს.
უკრაინის სახელმწიფო სასაზღვრო სამსახურის ინფორმაციით, იერიშის შედეგად ხანძარი გაჩნდა და სამოქალაქო ინფრასტრუქტურა დაზიანდა. წინასწარი მონაცემებით, 2 ადამიანი დაიღუპა, 3 კი დაშავდა.
უკრაინის საგანგებო სიტუაციების სამსახურის ცნობით, განადგურდა სამგზავრო ავტობუსები, სატვირთო და მსუბუქი ავტომობილები. მაშველებმა დარტყმის ადგილიდან 16 ადამიანის ევაკუაცია მოახდინეს.
ინციდენტის გამო აღნიშნულ მონაკვეთზე ადამიანებისა და სატრანსპორტო საშუალებების გადაადგილება დროებით შეჩერებულია.
დახურვა