რუსულმა ძალებმა უკრაინის დასავლეთში, პოლონეთის საზღვართან, სამგზავრო მატარებლის ლოკომოტივი დააზიანეს. ინციდენტი იმავე სარკინიგზო ხაზზე მოხდა, რომლითაც უკრაინის დედაქალაქში ჩასული პოლიტიკოსები და ევროპელი მაღალჩინოსნები სარგებლობდნენ.
გერმანული მედიის ინფორმაციით, გერმანიის კანცლერის ფრიდრიხ მერცის მრჩეველი გიუნტერ ზაუტერი, დიდი ბრიტანეთის ყოფილი პრემიერ-მინისტრი ბორის ჯონსონი და სხვა ევროპელი მაღალჩინოსნები რუსული დრონების თავდასხმის საფრთხის ქვეშ აღმოჩნდნენ პოლონეთის საზღვართან.
მედიის ინფორმაციით, კიევიდან პოლონეთის მიმართულებით სპეციალური მატარებელი დრონებით თავდასხმის საფრთხის გამო შეაჩერეს. დრონებით თავდასხმის საფრთხის გამო მატარებლის ნაწილის ევაკუაცია მოხდა.
ცნობისთვის, უკრაინის ვოლინის ოლქში, პოლონეთის საზღვრიდან დაახლოებით 2 კილომეტრში, რუსულმა ძალებმა სამგზავრო მატარებლის ლოკომოტივი დააზიანეს.
უკრაინის რკინიგზის ინფორმაციით, თავდასხმის შედეგად არავინ დაშავებულა. მატარებლის შემადგენლობა საფრთხის შესახებ დროულად გააფრთხილეს.
დახურვა