ევროკავშირმა უკრაინასთან გაწევრიანების მოლაპარაკებების ფარგლებში ოფიციალურად კიდევ ორი კლასტერი გახსნა. ამის შესახებ European Pravda ლუქსემბურგიდან იუწყება.
გადაწყვეტილება უკრაინა-ევროკავშირის მთავრობათაშორის კონფერენციაზე მიიღეს, რომელიც ევროკავშირის საქმეთა საბჭოს სხდომის შემდეგ გაიმართა.
ირლანდიის ევროპულ საქმეთა მინისტრის, თომას ბირნის განცხადებით, გაიხსნა მეორე კლასტერი - „შიდა ბაზარი“ და მესამე კლასტერი - „კონკურენტუნარიანობა და ინკლუზიური ზრდა“.
„მოვუწოდებთ უკრაინას, გააგრძელოს რეფორმების გატარება, უპირველეს ყოვლისა, ფუნდამენტური საკითხების კლასტერში“, - განაცხადა ბირნმა.
მანამდე უკრაინის ვიცე-პრემიერი ვსევოლოდ ჩენცოვი აცხადებდა, რომ მოლაპარაკებების კიდევ ორი კლასტერის გასახსნელად უკრაინას გარკვეულ დათმობებზე წასვლა მოუწევდა.
კლასტერების გახსნას ევროკავშირის ყველა წევრი სახელმწიფო დათანხმდა. გადაწყვეტილების მიღებამდე უკრაინის უმაღლესმა რადამ განათლების შესახებ კანონში ცვლილებები დაამტკიცა, რათა უნგრეთის ვეტო მოეხსნათ.
კლასტერების გახსნა უკრაინის ევროკავშირში გაწევრიანების მოლაპარაკებების პროცესის ნაწილია.
დახურვა