გარდაცვლილი 23 წლის სტიქაროსნის, თემურ ხადურის ოჯახის ადვოკატის, ლედი ტუკვაძის ინფორმაციით, თემურ ხადურის გარდაცვალების საქმეზე თერჯოლის პოლიციის თანამშრომლები დააკავეს.
ინფორმაციას ის Facebook-ზე ავრცელებს.
"მადლობა საქართველოს პროკურატურას, მთავარ პროკურორს გიორგი გვარაკიძეს, დასავლეთ საქართველოს პროკურორს ზაზა მეტონიძეს, ქალბატონ თამარ ბეჟუაშვილს, გიორგი ხაჩიძეს, ყველა მედიას, საინფორმაციო გამოშვებას, განსაკუთრებული მადლობა ნოდარ მელაძესა და მის გუნდს. ორი წლის დაუღალავი შრომის შემდეგ, თემურ ხადურის საქმეზე, თერჯოლის პოლიციის თანამშრომლები არიან დაკავებულები", - წერს ადვოკატი.
თემურ ხადური 2024 წლის 25 აგვისტოს გაუჩინარდა. 3 დღის შემდეგ, 28 აგვისტოს, მისი ცხედარი თერჯოლის მუნიციპალიტეტის სოფელ სიმონეთთან, მდინარეში იპოვეს.
გარდაცვლილის ოჯახის წევრები თავიდანვე მიუთითებდნენ, რომ ახალგაზრდის სიკვდილში შესაძლოა პოლიციის თანამშრომლები ყოფილიყვნენ ჩართული.
დახურვა