უკრაინის თავდაცვის მინისტრი ევგენი ხმარა, რომელიც ბრიუსელში უკრაინის თავდაცვის საკონტაქტო ჯგუფის შეხვედრას ესწრება, 17 ნოემბრის ღამეს ყირიმის ხიდზე განხორციელებულ განმეორებით იერიშს გამოეხმაურა. ოპერაციის შედეგად ხიდის ერთ-ერთი თაღი და საავტომობილო გზის მონაკვეთი ჩაინგრა.
„ჩვენ ახლა ვიწყებთ“, — ასეთი მოკლე კომენტარი გააკეთა უკრაინის თავდაცვის მინისტრმა, ევგენი ხმარამ ბრიუსელში, „რამშტაინის ფორმატის“ შეხვედრის ფარგლებში.
უკრაინის უსაფრთხოების სამსახურის (SBU) ინფორმაციით, აღნიშნული დარტყმა ერთთვიანი, შვიდფაზიანი სპეცოპერაციის კულმინაციას წარმოადგენდა. უწყების ცნობით, უკრაინულმა დრონებმა, ასევე „ნეპტუნისა“ და „ფლამინგოს“ ტიპის ფრთოსანმა რაკეტებმა ხიდის ერთი თაღი და საავტომობილო გზის 270 მეტრზე მეტი მონაკვეთი სრულად გაანადგურეს.
იერიშის შედეგად დაზიანებულია სარკინიგზო ხაზიც, რის გამოც ქერჩის სრუტეზე საავტომობილო მიმოსვლა მთლიანად შეჩერდა, ხოლო რუსეთის სამხედრო მომარაგების მთავარი ლოგისტიკური მარშრუტი მწყობრიდან გამოვიდა.
