![17 წლის გოგო, რომელიც გორი-თბილისის გზაზე, სავარაუდოდ, მოიტაცეს, იპოვეს](/uploads/news/police.jpg)
გორის მუნიციპალიტეტში მცხოვრები გოგო, რომელიც გუშინ გორი-თბილისის გზაზე, სავარაუდოდ, მოიტაცეს, იპოვეს. ამის შესახებ "ფორმულას" შინაგან საქმეთა სამინისტროში უთხრეს.
უწყების ცნობით, საქმეზე საგამოძიებო მოქმედებები მიმდინარეობს. გამოძიება სისხლის სამართლის კოდექსის 143-ე მუხლითაა დაწყებული, რაც თავისუფლების უკანონო აღკვეთას გულისხმობს.
ცნობისთვის, გუშინ გორი-თბილისის გზაზე 17 წლის გოგო 22 წლის ბიჭმა, სავარაუდოდ, მოიტაცა.