ლეიბორისტული პარტიის ლიდერმა 20 ივნისის საქმეზე დაკავებულებს სოლიდარობა გამოუცხადა. შალვა ნათელაშვილი გლდანის ციხესთან იმყოფებოდა.
„პატარა ნობათი მოვუტანეთ 20 ივნისის გმირებს. სამწუხაროდ, ამ ქვეყანაში პატრიოტიზმი დანაშაულია, ქურდობა, ყაჩაღობა, ვერცხლმადიდებლობა - წახალისებული და ხელშეწყობილი. ამ ბიჭებმა დაწერეს საქართველოს უახლესი ისტორია, ისინი ძალიან მალე აუცილებლად იქნებიან თავისუფალნი, ხოლო მათ საკნებში ჩაჯდებიან მათი დამჭერნი და ეს აუცილებლად მოხდება" - განაცხადა პარტიის ლიდერმა შალვა ნათელაშვილმა.
20 ივნისის ღამეზე გამოძიება ამ დრომდე მიმდინარეობს. აქციის მონაწილეებს ბრალი ედებათ ჯგუფურ ძალადობაში და ორგანიზებულად, შტურმით პარლამენტში შეჭრის მცდელობაში. დანაშაულის დამტკიცების შემთხვევაში მათ 4-დან 6 წლამდე ვადით პატიმრობა ემუქრებათ. თუმცა, ბრალდებულები ბრალს არ აღიარებენ.
დახურვა