გარდაბნის რაიონის სოფელ ყარაჯალარში 33 წლის კაცმა 23 წლის ცოლი მოკლა. ბრალდებული დაკავებულია.
გარდაცვლილს სამი მცირეწლოვანი შვილი დარჩა. მკვლელობის სავარაუდო მოტივად ეჭვიანობა სახელდება.
შინაგან საქმეთა სამინისტროს მიერ გავრცელებული ინფორმაციით, მამაკაცმა ქალს სასიკვდილო ჭრილობა ცივი იარაღით ყელის არეში მიაყენა.
გამოძიება სისხლის სამართლის კოდექსის 109-ე მუხლით მიმდინარეობს, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს. მუხლი თავისუფლების აღკვეთას 13-დან 17 წლამდე ვადით ითვალისწინებს.
დახურვა