საქართველოში სილამაზის სალონები და ესთეტიკური ცენტრები 18 მაისიდან გაიხსნება. ამის შესახებ პრემიერ-მინისტრმა გიორგი გახარიამ მთავრობის სხდომაზე განაცხადა.
როგორც მან აღნიშნა, არსებული ეპიდემიოლოგიური მდგომარეობა შესაძლებლობას იძლევა, გახსნასთან დაკავშირებული გარკვეული ნაბიჯების გადადგმა დაჩქარდეს.
„არსებული ეპიდემიოლოგიური მდგომარეობიდან გამომდინარე ჩვენ შეგვიძლია რამოდენიმე ეტაპი დავაჩქაროთ, გარკვეული ნაბიჯები გახსნასთან დაკავშირებული ცოტა ადრე გავაკეთოთ და ამ შესაძლებლობის ფარგლებში, მივიღეთ გადაწყვეტილება, 18 მაისიდან, ორშაბათიდან გაიხსნას სილამაზის სალონები და ესთეტიური სალონები. ეს ვფიქრობ, რომ მნიშვნელოვანია ჩვენი მოქალაქეებისთვის“, - განაცხადა პრემიერმა.
დახურვა