ცენტრალურ საარჩევნო კომისიაში შემაჯამებელი სხდომა მიმდინარეობს, რომლის დასრულების შემდეგაც, 2020 წლის საპარალამენტო არჩევნების საბოლოო შედეგები გამოცხადდება.
სხდომის პარალელურად, ცესკო-სთან სამოქალაქო აქტივისტები არიან შეკრებილი და აქცია-პერფორმანსს მართავენ.
აქტივისტებმა ადგილზე ცესკო-ს თავმჯდომარის, თამარ ჟვანიას მანეკენი მიიტანეს, რომელსაც ხელები აქვს შეკრული. ასევე გააბეს ყვითელი ლენტები, სადაც ცესკო-ს წარმომადგენლების ფოტოსურათებია ჩამოკიდებული.
გარდა ამისა, აქტივისტებმა ადგილზე კვერცხიც მიიტანეს და მათზე ქართული ოცნების წევრების სახელებს წერენ. აქცია-პერფორმანსი საბჭოა კავშირის ჰიმნის ფონზე ტარდება.
"ცესკო-ს დღეს აქვს საბოლოო სხდომა და სურთ, რომ ქართველ ხალხს გადმოუგდონ გაყალბებული საბოლოო შემაჯამებელი ოქმი. რეალურად, დღეს ეს პერფორმანსი, ხამუტებით დაკავებული ცესკო-ს თავმჯდომარე და პოლიციის ლენტით გარშემორტყმული ცესკოს შენობა არის სახალხო სასამართლო. დღეს ვახდენთ ლუსტრაციას რეალურად, რომ ისინი არიან სისხლის სამართლის დამნაშავეები. ისინი იქცევიან საბჭოთა ტრადიციის მეთოდებით", - ამბობს სამოქალაქო აქტივისტი ნიკა ფარულავა.
ცესკოს მიერ დათვლილ შედეგებს ოპოზიციური პარტიები არ აღიარებენ, საპარლამენტო არჩევნეს ტოტალურად გაყალბებულს უწოდებენ და პარლამენტში შესვლაზე უარს ამბობენ.
დახურვა