თბილისში, ჩიტაიას ქუჩაზე სუპერმარკეტ სპარის დაყაჩაღება სცადეს. მაღაზიაში გამთენიისას ორი შეიარაღებული პირი შეიჭრა.
არსებული ინფორმაციით, ერთ-ერთ თავდამსხმელს სუპერმარკეტის დაცვის თანამშრომელმა იარაღი წაართვა, რის შემდეგაც მომხდარის შესახებ სამართალდამცველებს შეატყობინეს.
პოლიციამ ორივე თავდამსხმელი ადგილზე დააკავა.
"საპატრულო პოლიციის დეპარტამენტში შემოვიდა შეტყობინება ჩიტაიას 7 ნომრიდან, რომ მაღაზია სპარში შესული იყო ორი შეიარაღებული პირი. ადგილზე ოპერატიულად მივიდა საპატრულო პოლიციის ეკიპაჟი და ეს ორი პიროვნება იქნა დაკავებული", - განაცხადა თბილისის საპატრულო პოლიციის უფროსმა ლაშა ჯოხაძემ.
მომხდართან დაკავშირებით გამოძიება სისხლის სამართლის კოდექსის 179-ე მუხლის მე-2 ნაწილით მიმდინარეობს, რაც ჯგუფურად ჩადენილ ყაჩაღობას გულისხმობს.
დახურვა