ბიზნესმენები კომენდანტის საათის 23:00 საათამდე გადაწევას ითხოვენ. ასევე, მათი თხოვნაა, სავაჭრო ობიექტებს შაბათ-კვირას მუშაობის უფლება მიეცეთ.
"ჩვენი თხოვნაა, კომენდანტის საათი გადაიწიოს 2 საათით და ნაცვლად 21:00 საათისა, 23:00 საათზე დაიწყოს. ასევე, შაბათ-კვირას აღდგეს მუშაობა. იმის გათვალისწინებით, რომ 2 კვირის წინ გვქონდა შეხვედრები ეკონომიკურ გუნდთან და ე.წ დადებითობის მაჩვენებელი ჩამოსულია 3%-ზე, წინაპირობა, რომ ეს გადაწყვეტილებები მიღებულ იქნას, არსებობს". - ამბობს თბილისი ცენტრალის დირექტორი, ლევან ყარალაშვილი.
მოთხოვნებს უერთდება რესტორატორთა ასოციცაციის თავმჯდომარე, შოთა ბურჯანაძე. მისი თქმით, შეზღუდვები შემსუბუქდა, თუმცა, ბიზნესს შედეგზე გასვლა უჭირს.
ამ ეტაპზე კომენდანტის საათი მოქმედებს 21:00 საათიდან. შაბათ-კვირას აკრძალულია ტრანსპორტის მოძრაობა, ასევე, არ მუშაობს სავაჭრო ობიექტები. კაფე-ბარებს მხოლოდ ღია სივრცეში მუშაობის უფლება აქვთ.
დახურვა