ყოფილი პრემიერმინისტრი, გიორგი გახარია პოლიტიკიდან წასვლის შემდეგ მედიასთან პირველად გამოჩნდა.
"მიუხედავად იმისა, რომ უამრავი სხვადასხვა ჭორი დადიოდა, არსად წასვლას არ ვაპირებ. მეტიც, არც პოლიტიკიდან წავალ. რეალურად, გეგმებს მივყვებით, ჩვენს დღის წესრიგს, რაც მოგვცემს იმის შესაძლებლობას, რომ უახლოეს პერიოდში ყველაფერი დეტალურად გაგიზიაროთ და მოგიყვეთ". - უთხრა მან ჟურნალისტებს თავის სახლთან წავკისში, სადაც გახარია შეხვედრას მართავდა.
"მალე შევხვდებით". - თქვა მან.
გახარია ასევე ამბობს, რომ ყველა არსებულ კითხვას პასუხი მალე გაეცემა.
გიორგი გახარაიამ პრემიერმინისტრის თანამდებობა 18 თებერვალს დატოვა.
მიზეზად მან ნიკა მელიას დაკავების ღონისძიებასთან დაკავშირებით ქართული ოცნების გუნდში აზრთა სხვადასხვაობა დაასახელა.
ირაკლი კობახიძემ 14 მარტს, რუსთავი 2-თან ინტერვიუში თქვა, რომ გიორგი გახარია 17 თებერვლის 17:00 საათამდე ეთანხმებოდა მელიას დაკავებას მაშინ, როცა მელიას დაკავებაზე თბილისის საქალაქო სასამართლომ გადაწყვეტილება 22:30 საათისთვის მიიღო.
დახურვა